सवैले सुनेको बुझेको जानेको कुरा के हो भने लोकतन्त्र कुनै पार्टी ,नेता , धर्म र जातिलाइ होइन त्यसैले लोकतन्त्रमा शान्तिपुर्ण भेला, आमसभा , बिरोध प्रदर्सन गर्न पाइन्छ ।त्यस्तै गरि अधिकार बाट कुन्ठीत पारिएकाहरु लोकतान्त्रिक पद्धतिमा आफ्नो अधिकारको माग गर्ने पुर्ण अधिकार छ ।
तर भाला, खुकुरी र लाठीसहित कसैको अामसभा बिथोल्ने योजना बनाउन , लोकतान्त्रिक मर्यादा बिपरित हिन्सात्मक प्रदर्शन गर्न , सर्वसाधारणले आवतजावत गर्दा गाडीभित्रै राखेर आगजनी गरेर साम्प्रदायिक हिंसा फैलाउन पनि पाइन्छ ? पाइन्छ भने आजै लोकतन्त्रको परिभाषा फेरौ ।
हैन भने यो ब्यबहार बाट जुन सुकै अभिस्ट लिएको जुन सुकै मोर्चा र संगठन भए पनि लोकतन्त्रको घुम्टो ओढेर एकल धर्म , एकल जात ,एकात्मक र सामन्तवाद लाई नै यथाबत राखेर देसलाइ निरङ्कुसताको परिबन्धमा पार्न अग्रसर भएको राज्य भन्दा कम छैन भने प्रष्ट हुन्छ।
प्रहरीले चलाएको गोली लागेर तीनजनाको मृत्यु भएको छ ।खुकुरी , लाठी र भाला बोकाएर साम्प्रदायिक हिंसाको मार्गमा ओराल्ने सरोकारवालाहरुको चेत खुलोस । लोकतान्त्रिक मर्यादामा हिन्सात्मक प्रदर्शन गर्नु र ज्यादतीपूर्ण दमन गर्नु , उपहास गर्नु दुवैको ब्यबहार लोकतान्त्रिक मर्यादा लज्जास्पद राजनितीकरण हो।एक अर्काको बाईपास ले भोलि देशलाई हैटी या सिरिया बनाउने निश्चित छ । सवैलाई बेलैमा चेतना होश
तर बिड्म्बना यहि तराईका कयौं गरिव ,भुमिहिन,दलित बस्ति शीतलहर, बाढीपहिरो र आगलागीको चपेटामा पर्दा ५ रुपैयाको चिज सम्म राहत लिएर यी मधेसी नेताहरु मधेस पुगेको सुनिएन । मधेसको आम नागरिक , शिक्षा, स्वास्थ्य,कृषि,सञ्चार र विकासमा कुनै सरोकार नराख्ने यी जिम्दार मधेसीको चंगुलमा सिंगो मधेस र मधेस आन्दोलन सत्ता र कुर्सी केन्द्रित नै हो त ?
~~~
धन्य होस नेपाली कम्युनिटी सेन्टर ओल्र्याण्डो , युनाइटेड फ्लोरिडा एवं धुर्मुस सुन्तली फाउण्डेशनलाई जसले साढे ५ लाख बराबरको राहत जुटाएर मुसहर बस्तीमा रहेका ५५ परिवारलाई प्रति परिवार दुई दुई वटा न्यानो सिरक र डसना वितरण गरे । सरोकारवाला सस्था सहित धुर्मुस सुन्तलीको यो कार्यले सरकार , संघ संस्था,एनजिओ, मधेशको मसिहा भन्न मन पराउने एव तराई केन्द्रित राजनीति गर्ने सरोकारवाला निकाय सवैको आँखा खुलोस ।
प्रचन्ड र बाबुरामहरु महान हुनु र जनताको सर्वोच्चता मान्नुपर्छ भनेर हिजो बन्दुक बोकेर अघि लाग्ने मध्येका बाचेका दलित समुदायका आज खुलम खुला समाज परिवर्तनका सबै एजेण्डा माओवादि बनेर तुहाए भन्दै छन ।
के साच्चै नै राजनीतिक जोडघटाउ र लुटेर खाने लठैतहरुको जमात मै सिमित हुने क्रमतर्फ दलित आन्दोलन लागेको हो त ? के अब फेरि पनि ६० लाख दलितले छुवाछुत, विभेद,जातिय भेदभावका विरुद्ध दलित आन्दोलन भन्दै उर्जाशिल समय खेर फाल्नु पर्ने हो त ? हैन भने दलित मैत्रीपुर्ण कानुन बनाउन र नयाँ संविधानको कार्यान्वयन संगै दलित समुदायको अधिकार स्थापित गर्न के गर्दैछन् ४० जना दलित समुदाय बाट प्रतिनिधि सभामा प्रतिनिधित्व गर्ने विभिन्न राजनीतिक दलको अग्रज जनप्रतिनीधिहरु , दलित नागरिक समाजका बुद्धिजीवीहरु ?
