माइग्रेनको होस या आधा टाउको दुखाईको असह्य पीडा, यसलाई भोगिरहेकाहरुलाई एउटा सुसमाचार छ । माइग्रेनबाट पीडितहरुले दिनहुँ नियमितरुपमा औषधि सेवनगरे दुखाईबाट छुटकारा मिल्नसक्छ, तर हालै गरिएको एक रिसर्चका अनुसार माइग्रेनले टाउको दुखी रहेको अवस्थामा शारीरिक सम्वन्ध स्थापित गर्नाले दुखाईबाट छुटकारा मिल्न सक्छ ।

जर्मनीका शोधकर्ताहरुव्दारा हालै प्रकाशित गरिएको एक रिपोर्टमा माइग्रेन पीडित ६० प्रतिशत र साधारणत टाउको दुख्ने रोगबाट पीडित मानिसहरुले टाउको दुखीरहेको अवस्थामा शारीरिक सम्बन्ध स्थापित गरेमा दुखाईको पीडा कम हुने र धेरै अर्थमा यो रोगबाट छुटकारा पाउन सहयोगी सावित हुने बताएका छन् ।माइग्रेनको समस्या भएका ८ सयका साथै साधारणत टाउको दुखिरहने रोगबाट पीडित २ सय जनामा गरिएको शोधमा दुखाईका अवसरमा यौनक्रिया गर्ने पाँच जनामा एकजनाको दुखाई पीडा अन्त्य भएको पाईयो । शोधकर्ताका अनुसार मानिसहरु सिर दुखेको अवस्थामा सेक्स गर्दैनन् तर सेक्स उनिहरुलाई मुक्ति दिलाउन सहयोगी सावित हुनसक्छ ।

जर्मनीका मुन्स्टर युनिवर्सिटीमा गरिएको यस शोधमा शामिल एक शोधार्थीका अनुसार सेक्स टाउको दुखाईबाट आँशिक या पूर्णत छुट्कारा दिलाउन सहयोगी छ । यस स्थितिमा यदि औषधिको सट्टा माइग्रेनको पीडा या धेरै टाउको दुखिरहेको अवस्थामा यौनसम्वन्ध स्थापित गरे यो शरीरकालागि पनि राम्रो हुन्छ । -एजेन्सी