स्वास्थ्य » चुरोटले स्मरण शक्ति, सिक्ने क्षमता र तर्क गर्ने क्षमता नष्ट गर्ने

बेलायतको किंग्स कलेजमा शोध गरिरहेका वैज्ञानिकहरुको भनाई छ कि चुरोट सेवनले मानिसको स्मरण शक्ति, सिक्ने क्षमता र तर्क गर्ने क्षमता नष्ट हुन्छ, जसको कारण मानिसको दिमाग कुहिन्छ ।५० वर्ष बढीका लगभग ८ हजार ८ सय व्यक्तिमा गरेको उक्त शोधका अनुसार उच्चरक्तचाप र मोटोपनाको कारणले पनि दिमागमा असर पर्छ । समाचारका अनुसार ५० वर्ष भन्दा बढीका मानिसहरुको स्वास्थ्य र उनीहरुका रहन–सहनको बारेमा तथ्यहरु संकलन गरियो र विशेष अभ्यासबाट उनीहरुका दिमागको जाँच गरिएको थियो, जसबाट यस्तो तथ्य बाहिर आएको अन्तर्राष्ट्रिय समाचार संस्था बीबीसीले जनाएको छ । पहिलो पटक दिमागको परीक्षण गरेका मानिसहरुको ४ वर्ष र ८ वर्षपछि पुनः दोहोरो परीक्षण गरिएको थियो । परीक्षणपछि चुरोट सेवन गर्नेको स्थिति नगर्नेको भन्दा खराब भेटिएको जनाइएको छ ।उक्त शोधले धुमपान र उच्चरक्तचापको सिधा सम्बन्ध मानिसको ‘विर्सिने’ बिकारसँग भएको कुरालाई थप पुष्टी गरेको जनाइएको छ ।

0 comments

Write Down Your Responses